8 مارچ سرجمێن دنیا جنێنئے میان استمانی رۆچئے ناما زانگَ بیت.

 “جنێن رۆچئے” بنداتی زُرمبشت ائولی بَرا ایسایی 1908آ اَمریکا ائے مزن شهر نیورکا امریکن جنێنان په وتی سْیاسی و راجمانی پُلِتگێن ھکّ و اُبالانی پد جنیا جنزے بنگێج کرت که وتی واکا دنیائے مردێنان همکئیلێن رۆزگارئے گهترێن جاورهال و شرپدار و سلامتێن زندا تپاکیے ببیت.

  چه هما رۆچا پد دنیائے اے دگه مُلکان ھم هشت مارچئے رۆچ ٹهێنتگ دنیائے اے مُلکان برجم  دارگ بیت.

همک سالا دنیائے بازێن ملکێا ملیون ملیون جنێن و مردێن اے رۆچئے مزنداشتا کننت و وشّاتکَ گوَشنتی.

بله انچش گندگَ بیت انگت په جنێنئے برابری و همکِساسیا مزنێن جهد و راهے دێما اِنت . هاسکار دنیائے سئیمی مُلکان جنێنئے بندشت برے په مزهب ناما برے آ مُلکئے  سرکاران انچێن کانون اێر کننت که جنێنئے زند تنچێتگ و نز آرگَ بیت اوبال پادمال کنگَ بنت. 

انچش گندگَ بیت که اێرانئے سرکار په جنێنا چه زلم و زۆرے نکنت که جنێن چه وتی زندئے بُنکی اُبالان زبهر کرتگ . 

اگن مرۆچی پد هم اے دگه اێرانئے  راجانانی زندمانا چمشانکے بدئیێن چارێن کم و باز رَبیتانی تها پرکے آورتگ ائے دێم په گهبودی نێمگا رئوگا اَنت. بله په بژن که بلۆچ راجمان گندگَ بیت که جنێنئے اۆبال تا انگت مردێنئے نێمگا  برابریئے مجال دئیگ نبوتگ. 

بلۆچ راجمانئے تها تان انگت آ برابریئے سِنچ نئیاتکگ که آ جنێنئے بستارا بِزانت که جنێن په چاگردا یک گنج و هزانگے، اگن ما گۆن دل و ستِک جنێنا وتی راجمانا بهرے سرپد ببئیێن و آییئے انسانی اُبالانی پێلو کنگ وتی پرز بزانێن گُڑا ما په دلجمی دێما شُتگێن.

 په هما رۆچانی واهگا سجّهێن سبز و سوبێن باتێت.

✍️ علی اکبر زین الدینی

Be the first to comment

Leave a Reply

Your email address will not be published.


*