رَسانک نیوز/ دوشمبے روچ 13 مهر ماہ 1405، رَند چه کماش ءُ اسپیت ریشیں مردمانی جُهد په دو کبیلهانی (سپرزایی ءُ گلهبچه) میان ءَ پیسریگین اَڑ ءُ جیڑھانی گیشینگا دوئیں کبیلهانی مردم ماں دزاپ ءِ مکّی مسیت ءَ مولوی ابدلهمید اسماییلزھی ئے دیما سرجم بوتگ اَنت ءُ آیانی میان ءَ رازی نامه ءُ سلاھکاری بوتگ. اے دیوان ءَ بابهروسهین ءُ کماشیں مردمان ءُ جهمنندان ءَ بهر زورتگ.
اے دیوان ءَ بهر زوروکیں مردمان ءَ دوئیں کبیلهانی میان ءَ گوستگیں اڑ ءُ جیڑے سِندَگ ءُ آرام بوھگ ءَ زور داتگ. چه دوئیں کبیلهانی مردماں لوٹگ بوتگ که تپاک ءُ ھمدل ببنت. ھمے وڑا چه دوئیں کبیلهان ءَ لوٹگ بوتگ چه جیڑھانی برجاہ دارگ ءَ پهریز بکننت. رَند چه مولوی ابدلهمید، کماش ءُ بابهروسهیں مردُمانی گوشتانک آں دوئیں نیمگئے مردمان ءَ گوں یکادگرا اَھد بستگ که گوستگیں جیڑھان ءَ شموش اَنت ءُ آؤکیں روچاں گوں یکادگرا اَڑ ءُ جیڑ مبنت.
دیوان ءِ آسر بوھگ ءَ دوئیں کبیلهانی مردمان ءَ یکادگرا بگلکش کرتگ ءُ وتی میان ءَ رازی نامه ئے جارجتگ.
Be the first to comment