رَسانک نیوز/ سئے شمبے روچ 14 مهر ماہ 1405، بندراَبّاس ءَ کمک سرکنوکیں ٹولی یے تیرگواری یے سئوب ءَ زابل ءَ نندوکیں بلوچیں ٹیلکشّی ءَ تیر وارتگ ءُ کُشگ بوتگ.
رَسانک ءَ اے بلوچیں ٹیلکشّئے پجار «اَلی براھویی (زیرکاری)»، 33 سالگ، رزا ئے چُک، زابل ئے مادہ کاریز دمگئے نندوک زانتگ.
رَسانک ءِ ھال سرکنوکانی رِد ءَ، اَلی ءَ چه جون ئے ناتوانی ءَ رنج بُرتگ ءُ سئے جنیں چُکانی پت بوتگ. یکے چه آییئے جنیں چُکاں گُٹّگانی نادراھی ءَ دچار بوتگ ءُ ھَمُک ماہ چُنت ملیون تومن ایوک ءَ په آییئے دوا ءُ درمان ءَ ھرج بوتگ. اے بلوچ ءَ په وتی چکئے درمان ئے ھرج ءُ ھاندان ئے مالی جیڑھانی گیشینگا ماں ھرمزگان سوبه ءَ ٹیل ئے کَشّگ ءَ دِلگوش بوتگ.
🔗 لینک کوتاه:
برای کپی روی دکمه کلیک کنید
Be the first to comment