دشتیاری ءَ ٹیلئے جاگه ءَ ٹکّر ءُ تیرگواری ءَ پنچ بلوچ کُشگ ءُ ٹپّیگ بوتگ

رَسانک نیوز/ چارشمبے 8 مهر ماہ 1405، بلوچے که دوشمبے 6 مهر ماہ 1405 ءَ، دشتیاری ئے سلیمانی ٹیلئے جاگه ءَ سلاہ‌بندیں ٹکّر ءَ ٹپّیگ بوتگ، چه ٹپّانی باز بوھگ ءَ ساھی داتگ. اے ٹکّر ءَ چار دگه بلوچ ھم ٹپّیگ بوتگ.

رَسانک ءَ کُشگ بوتگیں بلوچئے پجّار «ھلیل ھوت»، کِساس 42 سالگ، دادمهمد ئے چُک، آروس کرتگ ءُ زھگانی پت، ٹپّیگ بوتگیں چار بلوچئے پجّار «یاسر ھوت»، 30 سالگ، سدّیک ئے چُک، «ازیم ھوت»، 33 سالگ، ابراھیم ئے چُک، «سام ھوت»، 18 سالگ، ھلیل ئے چُک ءُ «مهمود ھوت»، 18 سالگ، گلام ئے چُک زانتگ.

رَسانک ءِ ھال سرکنوکانی رِد ءَ، اے ٹکّر رَند چه اشیا که سلیمانی ٹیلئے جاگه ءَ مهمود ھوت گوں ٹیل بهر کنوک ءَ اَڑتگ، پیش آتکگ. ھلیل ھوت په بُن گپّ ئے رَندگیری ءَ ٹیلئے جاگه ءَ شُتگ که یکے چه دیمیں مردماں گوں وتاس ءَ ھلیل ءُ آ دگه مردمانی سرا تیرگواری کرتگ. تیرگواری ئے نتیجگ ءَ ھلیل ھوت ٹپّیگ بوتگ ءُ مهمود ءُ سام ھوت ءَ ماں پاد ءَ تیر وارتگ.