پهرہ ءَ سلاہ بندین ءُ بے پجّاریں مردمانی تیرگواری ءَ ٹپّیگ بوتگیں بلوچی ءَ، چار روچ ءَ رَند ساہ داتگ

رَسانک نیوز/ پنچشمبے 29 مرداد ماہ 1405، بلوچی کہ ماں شمبے 25 مرداد ماہ ءِ بانگواہ ءَ پٹ پٹیا سوار ءُ پهرہ ئے سرزہ دمگئے راھا روگ ءَ بوتگ کہ چہ سلاہ بندین ءُ پجّار نہ بوتگیں مردمانی تیرگواری ءَ سکّ ءَ ٹپّیگ بوتگ، چار روچ ءَ رَند ماں نادراہجاہ ءَ ساھی داتگ.

رَسانک ءَ اے بلوچئے پجّار «سئید چاریزھی»، 37 سالگ، دوست مهمد ئے چُک، آروس کرتگ ءُ دو زھگئے پت، پهرہ ئے سرزہ دمگئے نندوک زانتگ.

رَسانک ءِ ھال سرکنوکانی رِد ءَ، سئید ءَ اے تیرگواری ءَ تیر وارتگ ءُ سکّ ءَ ٹپّیگ بوتگ کہ چہ بازیں ٹپّاں پهرہ ئے ھاتم الانبیاء نادراہجاہ ءَ سرکنگ ءُ ماں I.C.U واڈ ءَ بستری بوتگ، زی 29 مرداد ماہ ءِ بُنگیجی ساھتان ءَ گوں اشیا کہ پہ آییئے رکّینگ ءَ ڈاکٹران ءَ جُهد کرتگ، ساھی داتگ.

داں انگتا گیشّتگیں ھالی تیرگواری کنوکیں مردمانی پجّار ءُ آیانی سئوب ئے بارئوا دست نہ کپتگ.