راسکئے جنگل دمگ ءَ گاڑییے لیٹ ورگ ءُ دَر گِرَگ ءَ ساہ داتگیں دو بلوچیں ٹیلکشّئے پجّار زانگ بوتگ

رَسانک نیوز/ 12 مرداد ماہ 1405، راسک ءَ جنگل دو راھیئے نزّیکا ٹیلکشّیں تویوتا لندکروز گاڑییے لیٹ ورگ ءُ بُن گِرَگ ءَ ساہ داتگیں دو بلوچیں ٹیلکشّئے پجّار زانگ بوتگ.

رَسانک ءَ اے دویں ٹیلکشّانی پجّار «نیما دُرزادہ»، پرھاد ئے چُک، «مهمد دُرزادہ»، گل مهمد ئے چُک، ھر دو شستون ئے زنگیان دمگئے نندوک زانتگ.

رَسانک ءِ ھال سرکنوکانی رِد ءَ، شپئے گُڑسریں پاس ءَ پد چہ گاڑیئے لیٹ ورگ ءُ بُن گِرَگ ءَ دویں ٹیلکشّان ءَ چہ بازیں ٹپّان ءَ نہ توانتگ چہ گاڑی ءَ ڈنّ ببنت ءُ ماں آس ءَ سُهتگ اَنت.