رَسانک نیوز/ سئے شمبے 13 مرداد ماہ 1405، 4 مرداد ماہ ءِ سباھئے ساھت 10:30 ئے وھدا پهرہ ئے سرزہ دمگ ءَ سلاہ بندین ءُ پجّار نہ بوتگیں مردمانی پراجا ئے زاتی نمبر پلیٹ سمند گاڑییے سرا تیرگواری ءَ ٹپّیگ بوتگیں دویں کارمند ءَ، یک کارمندی ءَ 9 روچ ءَ پد ساہ داتگ.
رَسانک ءَ اے نزامی کارمند ئے پجّار «نوراللّہ نارویی»، سید ئے چُک، پهرہ ئے بزمان دمگئے نندوک ءُ پهرہ ئے انتزامی بُنجاھئے گچین کنگ بهر ئے کارمند زانتگ، آ دگہ ٹپّیگ بوتگیں کارمند ئے پجّار داں انگت زانگ نہ بوتگ.
رَسانک ءِ ھال سرکنوکانی رِد ءَ، گاڑییے کہ تیرگواریئے دپ ءَ کپتگ پراجا ئے گاڑی گوں زاتی نمبر پلیٹ ءُ نندوکی سادہ پوشیں نزامی کارمند بوتگ اَنت۔ سرزہ دمگئے نزّیکا پژو گاڑییے سلاہ بندیں نندوکان ءَ آیانی سرا تیرگواری کرتگ.
ھال سرکنوکان ءَ گوَشتگ ٹپّیگ بوتگیں کارمند ائولسرا پهرہ ئے ھاتم الانبیاء نادراہجاہ ءَ سرکنگ بوتگ اَنت ءُ پد چہ اشیا نوراللّہ بازیں ٹپّانی سئوب ءَ دُزاپ ءُ تهران ءَ دیم دیئگ بوتگ۔ بلہ چہ بازیں ٹپّاں 9 روچ ءَ رَند ساھی داتگ.
داں انگتا ھچ گلی اے تیرگواری ئے زمّهواریا نہ منّتگ.
Be the first to comment