رَسانک نیوز/ شمبے 10 مرداد ماہ 1405، یکی چہ دو بلوچیں براتاں کہ کِساس پنچ سال ءَ پیش نزامی ٹولییا گوں دو جتائیں کارواییا چہ شستون ءُ چهبار ءَ پہ «کوش» ئے الزاما دزگیر بوتگ اَنت ءُ چہ چهبار ئے جرمانی ھُکم دیئوکیں آمیدگِس ئے ائولی بهر ءَ پاھو ئے ھُکمش وارتگ، پد چہ داواہ دارانی رزایت گِرَگا چہ دُزاپ ءِ بندیگجاہ ءَ آجو بوتگ۔ اے دو برات نزّیک دو سال ءَ پیش چہ چهبار ئے بندیگجاہ ءَ پہ دُزاپ ءِ زندان ءَ شور دیئگ بوتگ اَنت۔ گوں اشیا کہ یک براتی آجو بوتگ بلے دومی برات داں انگتا ماں ھمیں زندان ءَ بندیگ اِنت.
رَسانک ءَ آجو بوتگیں بلوچئے پجّار «جواد بلیدہ»، 22سالگ، نواب ئے چُک، کسرکند ئے ڈنسر دمگئے نندوک زانتگ۔ آییئے برات ءِ پجّار کہ پہ دگہ پرمندھئے ھاترا ءُ زانگ نہ بوتگیں بُهتان ءَ داں انگتا دُزاپ ءِ بندیگجاہ ءَ دارگ بوتگ «منسور بلیدہ»، 27 سالگ، کہ پیش ءَ رَسانک ءَ آییئے پجّار گوَشتگ.
رَسانک ءِ ھال سرکنوکانی رِد ءَ، جواد بلیدہ ئے آجویی ھماں وھدا بوتگ کہ لهتیں چہ بابهروسهیں، اسپیت ریشیں مردمان ءَ گوں میانجی گری ءَ دویں نیمگئے مردمان ءَ اَڑ ءُ جیڑ سِستگ اَنت ءُ داواہ داریں مردمانی رزایتا پہ ھر دو برات ءَ زورتگ.
پیشترا رَسانک ءَ ھال سر کرتگ کہ یکشمبے روچ 12 اسپند ماہ 1403 ءَ، اے دو برات پد چہ پاھو ئے ھُکمئے ورگ ءُ پہ ھُکمئے سرا کارواییا چہ چهبار ئے بندیگجاہ ءَ پہ دُزاپ ءِ زندان ءَ شور دیئگ بوتگ اَنت۔ آیاں پنچ سال پیش ماں دو جتائیں کارواییا چہ شستون ءُ چهبار ءَ دزگیر ءُ چهبار ئے بندیگجاہ ءَ دیم دیئگ بوتگ اَنت۔ اے دو برات سئے سال ماں چهبار ئے زندان ءَ گوَازینتگ ءُ پد چہ اشیا پرمندھئے کازی گوں ھاندانی نام «آرامیدہ»، پہ آیاں پاھو ئے ھکم بُرّتگ.
Be the first to comment