رَسانک نیوز/ جمے روچ 9 مرداد ماہ 1405، واش ءَ نزامی ٹولییے گاڑییے سرا بے رھبندین ءُ وت سریں تیرگواری ءَ بلوچی ءَ تیر وارتگ ءُ ساھی داتگ۔ نزامی ٹولییا آییئے ھمراہ دزگیر کرتگ ءُ چیریں جاگهی بُرتگ.
رَسانک ءَ کُشگ بوتگیں بلوچئے پجّار «ھسین واشی کمالآبادی»، 23 سالگ، ھبیباللّہ ئے چُک، بُندر ءَ واشئے نندوک زانتگ۔ آییئے ھمراھئے پجّار کہ دزگیریا پد چیریں جاگهی بَرَگ بوتگ داں انگتا زانگ نہ بوتگ.
رَسانک ءِ ھال سرکنوکانی رِد ءَ، واشئے شهرا نزامی ٹولییا بید چہ جار ءُ دلگوش دیئگ ءَ اے بلوچانی گاڑی ئے سرا بے رھبندیں تیرگواری کرتگ کہ ھسین ءَ ماں سر ءَ تیر وارتگ ءُ جاھا ساھی داتگ.
ھال سرکنوکان ءَ گوَشتگ نزامی ٹولی پہ ھژم ءُ اِشتاپیا ھسین ئے ھمراھا دسبند جَتَگ ءُ گوں ھسین ئے بے ساھیں جون ءَ گوں وت بُرتگ ءُ چہ جاھا دَر شُتگ اَنت.
داں انگت ءَ امنیتی سروکان ءَ نزامی ٹولییے اے در کانونی کارواییے بارئوا ھچ پئیمیں روژنیں درشانی نہ داتگ.
Be the first to comment