دشتیاری ءَ ریمدان سیمسر ئے راہ ءَ، راھئے ویلی ءَ ورنائیں بلوچ ٹیلکشّی ءَ ساہ داتگ

رَسانک نیوز/ یکشمبے روچ 17 ھُرداد ماہ 1405، دشتیاری ءَ ریمدان دمگئے سیمسر ئے راہ ءَ چہ راھئے ویلی ءَ ورنائیں بلوچ ٹیلکشّی ءَ ساہ داتگ.

اے بلوچیں ٹیلکشّئے پجّار «ھالد کوسہ»، 27 سالگ، کیا ئے چُک، آروس کرتگ ءُ بُندر ءَ دشتیاری ئے باھو کلات زِلّهئے کِکسوچ دمگئے مردمی زانگ بوتگ.

بلوچیں ٹیلکشّاں چہ ناچاری ءُ پہ وتی ھاندان ئے مالی جنجالانی ٹاھینگ ءَ اے پُر ھتریں کارا دیم کننت، گوں اشیا کہ ھَمُک سال بازیں ٹیلکشّی چہ راھانی ویل، نزامی ٹولییے تیرگواری، آس ئے در گِرَگ یانکہ ماں ناایمنیں راھان ءَ چہ پد کپگ ءُ تاچینگ ءَ وتی جان ءَ چہ دست دئینت.