رَسانک نیوز/ دوشمبے 18 ھُرداد ماہ 1405، پهرہ ءَ بلوچی کہ ماں 21 اردیبهشت ماہ ءَ امنیتی ٹولی ءَ دزگیر کرتگ، 28 روچ ءَ پد داں انگت ءَ آییئے ھالے سرپدئے دست نہ کپتگ.
اے بلوچئے پجّار «مهمد ریگی»، کِساس 27 سالگ، ابدلکادر ئے چُک، بُندر ءَ تپتان ءَ گوھرکوہ ئے نندوک ءُ پهرہ ئے جهمنند زانگ بوتگ.
اے ھالئے رِد ءَ، ھماں وھدا کہ آیی پهرہ ئے امام ھُمینی روڈ ءَ وتی کار ءُ آرام کنگئے جاگہ ءَ بوتگ، گوں امنیتی ٹولییے اُرش ءَ در چہ سرکار ئے ھُکما دزگیر ءُ چیریں جاگهی بَرَگ بوتگ.
آییئے سیادانی رِد ءَ، مهمد ئے ھاندان ءُ لوگئے مردمان ءَ گوستگیں ھپتگان ءَ گوں رَندگیری ءُ امنیتی ادارھانی روگ ءَ پہ آییئے ھالے سرپدئے دست کپگ ءَ جُهد کرتگ، بلے داں انگت ءَ آیان ءَ ھچ روژنیں پسّویی پہ آییئے دزگیر کنگئے سئوب، دارگئے جاگہ ءُ پرمندہ ئے جاور ءِ بارئوا دئیگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment