سلاہ بندیں دُزّان ءَ بلوچی کُشتگ ءُ آییئے بے ساھیں جون ماں پهرہ ئے ڈمّن کور ءَ یلہ داتگ

رَسانک نیوز/ پنچشمبے 14 ھُرداد ماہ 1405 ءِ شپ ءَ، بلوچ ورنایی چہ سلاہ بندیں دُزّانی تیرگواری ءَ کُشگ بوتگ پد چہ اشیا کہ آیی گاڑی ءُ موبایل پئون پُلَگ بوتگ اَنت آییئے بے ساھیں جون ڈمّن ئے آپچکان دمگئے نزّیک ءَ یلہ دئیگ بوتگ کہ مروچی جمے 15 ھُرداد ماہ ءَ دمگئے نندوکیں مردمانی دست ءَ کپتگ.

رَسانک ءَ اے بلوچئے پجّار «آمر ریگی (ایسازھی)»، کِساس 18 سالگ، امین ئے چُک، بُندر ءَ پهرہ ئے نندوکیں مردمی زانتگ.

رَسانک ءِ ھال سرکنوکانی رِد ءَ، مروچی سباھی اے بلوچئے بے ساھیں جون ھماں وھدا جهمنندانی دست ءَ کپتگ کہ تیر ئے نشان جونئے سرا ایر بوتگ اَنت۔ دوشی آیی وتی لوگا پدترّگ ءَ بوتگ کہ سلاہ بندین ءُ پجّار نہ بوتگیں دُزانی دپ ءَ کپتگ کہ آییئے موبایل پئون ءُ گاڑی پُلَگ بوتگ اَنت.