چھبار ءِ کمالاں پارک ءَ یک بلوچئے بے ساھیں جون دست کپتگ

رَسانک نیوز، چارشمبے روچ 24 اردیبھشت ماہ 1404 ءَ، چھبار ءِ کمالاں پارک ءَ یک بے پجّاریں بلوچ ءِ بے ساھیں جون دست کپتگ.

بیران بوتگیں بلوچ ءِ پجّار ءُ نہ کہ آئی ءِ مرک ءِ پُژدر داں ھنگت ءَ زانگ بوتگ.

رَسانک ءِ ھال سرکنوکان ءَ گوشتگ: اے بلوچ ءِ بے ساھیں جون ءِ دست کپگ ءَ پد، پلیس ءُ اورژانس ءِ کارمندان ءَ آئی ءَ ماں سرکار ءِ مردگ جاہ ءَ ائیر کرتگ داں کہ آئی ءَ سرکاری ڈاکٹرانی ٹیم پٹ ءُ پول بہ کننت ءُ آئی ءِ پشت پد ءُ مردم زانگ بہ بنت.