رَسانک نیوز
یکشَمبِهئے شپا ۶ اسپند ۱۴۰۲، کراچیا چه ناشناسێن سلاهبندێن مردمانی کێنگی تیرگواریا چه رۆکپتی بلۆچستانئے جهمنندے بێران بیتگ.
بێران بوتگێن مردمئے پجّار ھاجی ایوب گهرامزهی (مئولوی عبدالقادرئے) چکُ انت تکریبن 45 سالیَ بیت پُشدرا سربازا نسیرآبادئے مردم اِنت چُنت سالے بوتگ مان ملیر کراچی نندۆک بوتگ.
دمگی مردمانی گوشگ رِدا ھاجی ایوب پرپٹا سوار بوتگ دێم په لۆگا رئوگا بوتگ، آییئے پُشتا یک جنێنے و کۆدکێن چُکے سوار بوتگ‌اَنت. دو کس دابوکئے بندێن سوار پرپٹێا واجه ایوب و آییئے کهۆل سرتیرگوارَ بیت بله اێوکا ایوب ٹِک و تیر بیت.
اے ھم گْوشگی اِنت ھاجی ایوب چه 2008 پد اێرانئے رژیمئے بگیریا جهدکارے بوتگ.
Be the first to comment