رَسانک نیوز

مرۆچی یکشمبهئے بانگواها ۱۰ دی ۱۴۰۲، بیرجندئے زندانئے اُگدهداران کم چه کم سئے بلۆچ زندانیا هُکم اێدام گۆن آمیدگِسئے کارِندهانی ساڑیگیا اێدامِش کرتگ.

اے جهمنندانی پجّار “گئوس دین نهتانی”، ۳۳ سال اِنت ، اَبدرهمانئے چُکّ، سور کُرتگێن و چار چُکئے پتئے اِنت چه درمیانئے شهرا زێرباری هُراسانئے دمگان، “امان الّاه براهویی (سپرزهی)”، کساس ۵۰ سالگ، اَبدلّاهئے چُکّ، سور کُرتگێن و نُه چُکّئے پت، دُزآپ دایی آبادئے مردم، “شێراهمد سنجرانی”، ۳۴ سالگ اِنت

پئیزمهمدئے چُکّ، سور کُرتگێن و هپت چُکّئے پت و دُزآپئے نندۆک گوَشگ بوتگ‌اَنت.

گۆن هال وشّئے رستگێن هالان، اے بندیگانی جُرمئے هُکم، مئوادئے سرا دئیگ بوتگ.

گئوش دین و اَبدلّاه ۱۴۰۰ئے سالا، بیرجند و سهل آبادئے پولیسئے اۆشتئے سرا ۱۳۹۸ئے سالا، بیرجندئے تها دزگیر کنگ بوتگ و چه اے شهرئے انکلابئے دادجاها اێدامئے هُکما مهکوم کنگ بوتگ‌اَنت.

اے بندیگ زیگێن رۆچا چه آمێن بندا، هاسێن و اێوکی بندا بَرَگ بوتگ و بگئیر چه آسری گِندُکا گۆن وتی هلکئے مردمان، اێدام کنگ بوتگ‌اَنت.

گوشگ ببیت که اے هالئے تها، چه شش کسئے اێدام بئیگئے هال دئیگ بوتگ که چه آ دگر اێدام بوتگێن مردمانی هال و آیانی جُرما هچ هالے انگت نرستگ.