رَسانک نیوز

سئےشمبهئے رۆچا ۵ دی ۱۴۰۲، یکّ بلۆچێا هشت ماهئے هُکم زندانِش داتگ که دُزآپئے زهرشانیان هئوار درگتا هئوار بوتگ، چه نزامی نیروهانی دستا آوار جنگ بوتگ.

اے واجهئے پجّار “مصطفی براهویی (یاگیزهی)”، اُمری 32سال اِنت ، همزهئے چُکّ، آییئے کار درزیگری اِنت و دُزآپئے جهمنند اِنت.

گوشگی اِنت مصطفی ۲۹ مهر ۱۴۰۲، دُزآپئے هئیّامئے (خیام) دَگا که چه نماز جُمَها واتر کنگا بوتگ، په یکّ بلۆچ ورنایئے لٹ و شاپ کنگا اهترازی کرتگ که ناانساپیئے دێم گرگ بیت بله  همے سئوبا بوتگ که امنیتی نیروانی دستا آوار جَنَگ ببیت و دُزآپئے بندیگا نُهمی بندا (سیاسی بندا) بَرگ بوتگ و چه هپت رۆچا رند آمیدگِسا پێش کنگ بوتگ بُهتام  زهرشانیانی هئوار بئیگا 9ماه بندیگیئے هُکمِش داتگ.

گۆن همے رستگێن هالان مصطفی وتی لۆگئے پُشت پدئے دارگ بوتگ و آییئے پِت سیمانئے کارگاهئے سادهێن نگهپانے و لۆگئے نان آور  و هرچ دئیۆک مُستپابوتگ. آییا دُزآپئے تئوهیدئے هئیابانا دَرزیے هست‌اِنت، آییئے هلکئے مردمان په آییئے آجوییئے واستا لۆٹتگِش سَند (زمانت) اێر بکنت بله آمیدگس و اطلاعاتئے کارِندهان کبول نکُرتگ و پدا هم نگوَشتگِش که کجام جُرمئے سئوبا مهکوم کنگ بوتگ.