رَسانک نیوز
پنجشمبهئے رۆچا ۷ دی ماه ۱۴۰۲، دو بلۆچ که برات بوتگ‌اَنت پهرئے تها بگئیر چه آمیدگسی هکمئے پێش دارگا وتی لۆگئے تها آوار جنگ بوتگ‌اَنت که یکّے چه آیان رَند چه چُنت دکیکتا ڈن چه شهرا آزات کنگ بوتگ و آ دگر که مُعلمے نامالومێن جاهے برگ بوتگ.
دزگیر بوتگێن بلۆچێن جهمنندئے پجّار “اِمران کاسمزهی”، ۳۴ سالگ، مئولوی مهمد هُسئینئے چُک و سور کُرتگێن و چُکّ دار، سربازئے مردم و اێرانشهرئے نندۆک، و آییئے برات “سلمان کاسمزهی” گوَشگ بوتگ.
گۆن اے رستگێن هالا، امنیتی نیرو گۆن دو بێپلاکێن زاتی گاڑی و زاتی پُچان، اِشانی لۆگا شُتگ‌اَنت و بگئیر چه آمیدگسی هُکما آوار جتگ و گۆن چم بند و دستبند گۆن وتِش بُرتگ‌اَنت.
چه اِمرانئے هالا هچ هالے دستا نێست و آییئے هلکئے مردم چه اێرانشهرئے اطلاعات و سپاهئے اطلاعاتا هچ پسئوے ندیستگِش و دئولتی و اطلاعاتئے کارندهان وتی بێهبری زاهر کُرتگ و گوشتگِش که دُزآپئے اطلاعاتا آوار جتگ‌اَنت.
چه اے بلۆچێن جهمنندانی آوار جنگ و جُرمے که په اِشان تْراشگ بوتگ هچ هال و بودے نرَستگ.
Be the first to comment