رَسانک نیوز
چارشمبه ۲۹ آزر ۱۴۰۲، رۆچ‌دراتکی بلۆچستانا اسلام آبادا بلۆچ یکّجهتی کمیٹیئے نێمگا برجاهێن زھرشانی نندانکئے سرا اسلام آباد پُلیسا بێڑ برتگ و باز مردم آوارِش جتگ و گۆن وتا برتگ. پُلیس بێڑ برگئے درمیانا زھرشانیا نشتگێن مردم لٹ شاپ کرتگ اَنت.
انگتا دزگیر کرتگێن مردمانی پجار و کچ زانگ نبوتگ‌اَنت. انچۆ گمان کنگ بئیگا اِنت که پُلیس زھرشانیا نشتگێن درستێن مردمان دزگیر کنت. پُلیس بێڑ برگ و لٹ شاپ کنگا باز مردمێئے ٹپّیگ تسگئے ھال اِنت.
اے وھدا بلۆچ یکجهتی کمیٹیئے زھرشانی نندانک برجاہ اِنت. مردمان پُلیسئے بێڑ برگئے بگیریا اوگام جتگ.
Be the first to comment