جئیش و هدّلا هکومتی رَسانکدارنی کُشتگێن لشکری سپاهیگانی آمار و رد کرتگ، چه پنجاه نزامی سپاهیگا گێش ٹپّیگ و کُشگ بوتگ

رَسانک نیوز

مرۆچی ۲۴ آزر ۱۴۰۲، جئیش و هدّلا گۆن شِنگ کُرتگێن هالا اێلام کُرتگ که ۱۹ ٹپّیگ و کُشگ بوتگێن که هکومتی رسانکداران اێلام کُرتگ درۆگے بوتگ و اێلامی کُرتگ که اے سلاهبندێن نیروان «دْراهێن پرماندهیئے پاسگاه دستا گپتگ و اشیئے انجام چۆ بوتگ که اے درگیریانی تها کساس ۵۰ نپر چه رَجیمئے نیروان کُشگ و ٹپّیگ کنگ بوتگ‌اَنت».

پدا هم اے سلاهبندێن جُنزا چه هکومتی رسانکئے هالان که گوشتگِش سئے نپر چه جُنزئے مردمان کُشگ و ٹپیگ کنگ بوتگ پَسّئوی داتگ.

جئیش و هدّلا اے هالئے تها گوشتگی که «په هامێن مردمانی پگرانی واستا مناسبێن وهدے اسلی هبرئے زاهر کنگئے واستا» گوشتی که دْراهێن هبران شِنگ کنێن.

گوشگی اِنت که مرۆچیگێن بانگواها جئیش الاَدلئے نیروان راسکئے پاسگاهئے نزامی نیروانی سرا اُرش بُرتگ که کساس پنچ ساهت درگیری طول کشتگ.