رَسانک نیوز

مرۆچی بامگاه، شمبه 18 آزر 1402، کَم چه کَم دو بلۆچ بندیگ مان دزاپئے زندان مرکزییا هُکم اێدام دئیگ بوتگ، که 15 آزر 1402، اِشان دێم په سلو ل اِنپرادیا اجرائے هُکم اێداما دزاپئے زندان مرکزییا مُنتگل کنگ برتگ.

اے دوێن بلۆچ زندانی چه هال وشّ نیوزئے نێمگا پجار کنگ بوتگ‌اَنت، یکیئے نام “ابدباست گرگێج ” نزیک 33 سال اِنت بیبرگئے چُک اِنت، مُتاهلے چُنت چُکئے پت اِنت دزاپئے جهمنند اِنت. ابدلهزیز(همل) شهلی بر 34 سال اِنت، ایسائے چُک اِنت متاهل سئے چُکئے پت اِنت جهمنند دلگان اِنت چۆ گوشگ بوتگ.

بر اساس اے هالان، ابدلباست گُڈسرا سال 1398، گۆن تئومت مواد مخدر دُزاپئے بازداشت، انکلابئے آمیدگِسا همے شهرا مهکوم په هُکم اێدام بوتگ.

انچش ابدلهزیز نزیک پنچ سال پێش په اتهام کتل بمپورئے شهرا بازداشت بوتگ، هما سالا 1401آ په زامانت سند ادارۆکی آزات بوتگ و پدا هما مهرماها مان دلگانا وتی لۆگا بازداشت چه دادگاه کئپری دزاپا په اێداما مهکوم کنگ بوتگ.

اے دوێن زندانی پنچشَمبِهئے رۆچ 16 آزر ماها 1402آ، گۆن وتی کئولان دیدار کرتگ.