رَسانک نیوز

پنچشمبه ۹ آذر ۱۴۰۲، سهبئے ساهت دوا، نزامی نیروان گۆن بازێن ماشینے، زاهدانئے شێرآبادئے هلکئے سرا اُرش کُرتگ و گۆن لودرئے گۆما جهمنندێن بلۆچانی لۆگانی کرۆجگِش بِندات کُرتگ.

گۆن اے رستگێن هالا، نزامی و امنیتی نیروان ائولا هلکئے بَرگ کَهت کُرتگ و پدا هلکئے سرا اُرش بُرتگ و بازێن نزامی ماشینے و چار دزگاه بس و پانزده لودرئے گۆما، پێسر چه اِشیا که هال بدئینت کِر و گوَری نندۆکانی لۆگانی هراب کنگِش بِندات کُرتگ.

نزامی نیروان اے اجازت هم مردمان نداتگ که وتی سامانان ڈنّا بیارنت و مردمانی تئوامێن دار و ندار هاکانی چێرا گار بوتگ‌اَنت و اے کرۆجگانی اُگدهدار اَنگت زانگ نبیت کئے اِنت.

گوشگی اِنت نزامی نیروان گۆن تۆکا آیۆک و ڈنّا رئوکێن راهانی بندگا، دْراهێن هلکِش دئوره کُرتگ و په کرۆجگئے واستا هچ دادجاهئے هُکمے یا گپّے، جهمنندێن مردمانِش نداتگ و اے لۆگانی کرۆجگئے اُگدهدار انگت مالوم نه‌اِنت.