چهبار و گهئے راها کَم چه کَم دهے نپر ٹَپّیگ و بێران بوتگ گۆن دو ماشینئے ڈیکّر ورگا

رَسانک نیوز

سئے شمبه ۷ آذر ۱۴۰۲، چهبار و گِهئے راها، رمزان کلّگئے سرهداتان دو ماشینا گۆن یک و دگرا ڈیکّر وارتگ که سئے نپر بێران بوتگ و هپت نپر ٹپّیگ بوتگ‌.

اے وئیل رمزان کلگئے نزیکا پێش آتکگ. و چه ٹپّیگ بوتگێنان کِساس چار نپرئے هال چه نادراهجاها سک نگێگ اێلام بوتگ.

چه اے وئیلئے ٹپّیگ و بێران بوتگێن مردمانی پجّارا تا انّون هچ هالے نێست.

گوشگی اِنت که بلۆچستانئے سڑکّانی کم پهناتی و راهانی نامناسبێن بُنهشتانی سئوبا هر سال بازێنے بێران و بازێنے چه جهمنندان ٹپّیگ بیت.