رَسانک نیوز
چۆ که گوَستگێن هپتگان و رۆچان بلۆچ راجئے گێشترێن مئولوی و رۆشن‌پگر وتی نَمنّگئے مُکالِپت په بلۆچستانئے ٹُکّر و بهر کنگا اێلام کُرتگ، “مهمود هجتی” اے اُستانئے پێشیگێن استاندارا، اے بارئوا گوشتگ: «کم چه کم اُستانئے دو نێما کنگ همے مُلکئے مردمانی جهمنندانی نَپا اِنت.»
آییا گۆن وتی پَندَل سازێن و جێڑه دئور دئیۆکێن کنۆکێن گپان که پێش داشتگ، اێرانئے جمهوری اسلامیئے رَجمیئے چمشانکا په اے مُلکئے جهمنندان زاهر و پدر کرتگ «اُستانئے شمال و زِربارا هچ یکّا دگرا، هۆری وت‌مان‌وتی نێست.»
اُستان بلۆچستان و سیستانئے ٹُکُّر ٹُکُّر کنگئے گپ چه بلۆچ راجئے دُژمنانی جَنگ بئیگا اِنت. یکّے چه مزنێن سیاستانے که بلۆچ راجئے تِپاکی، پجّار، دۆد وربێدگانی و نام و نشانئے گار پدا اَنت هۆر گۆن اے سجّهێن پَندَلان، دگه کارے دستا گپتگ‌اِش که چۆن چُنت ملیون اێرانی مردم بلۆچستانئے زِر و تئیاب‌دَپئے کِرّ و گوَران بیار اَنت جهمنند بکننت که باز برا بلۆچستانئے مردم و کارگُشادان اے دیدانکئے بارئوا نمنّۆک بوتگ و پورهی سرا سئوبِش آورتگ.
Be the first to comment