رَسانک نیوز

یکشمبه ۲۸ آبان ۱۴۰۲، یک کسانێن بلۆچے رَند چه هۆٹگئے کپگا دشتیاریئے تها، بُکّ گپتگ و بێران بوتگ.

اے چُکّئے پجّار “پرهان” (هلکئے نامی نامالوم اِنت)، پنج سالگ، سلیمئے چُکّ و اَبدُک زهیئے کلّگا، پلان و دشتیاریئے دمگان گوشگ بوتگ.

گوَشگ بیت، نۆمانئے بێرۆهێن جان مسیتئے کرّئے هۆٹگئے تها در گێجگ بوتگ و آییئے نادراهجاهئے برگا هچ پایدهے نرستگ و آسرا بێران بوتگ.

هۆٹگ هما آپا گوَشنت که کُدرتی سرا اَڈ بوتگ‌اَنت یا که مردمان وت اَڈ کُرتگ‌اَنت و مردم هئورئے آپا همے جُهلانکیا جمَ کننت و چه اشیا استپاده کننت.

گوشگی اِنت که دشتیاری وڑێن هلک و دمگ چه آپرسێنتگێن و نلی آپا بێبهر اَنت و مردم چه همے جم جتگێن آپان که هۆٹگئے تها اۆشتاتگ په وتی وَرد و وراکئے واستا زورنت.