رسانک
2 پروریا:
- کرگانئے دریابانی پلیسا زهوکی کلّگئے نندۆکێن ورنایے رند چه لٹ و کُٹ کنگا دستگیر کرت.
3 پروریا:
-بندرابّاسئے انکلابئے هکدیوانا سربازی دو شریتئے زانۆگرئے سرا پنچ سال بندیجاهئے شئور برّت. یکّێئے نام هاپز ابدُلهئی آرامش و آدگرئے نام مئولئوی سئیید آرامش اِنت.
- ابدلئزیز مَره نامێن بلۆچ بندیگے که آییئے پنّام کریم نارویی اِنت بمئے نادراهجاها بێران بوت. آییئے بێران بئیگ چه آییئے الاجئے ڈالچار کنگا بوتگ.
- پلیسئے لهتێن مردمان که آیانی گد و گاڑی لس مردمانی گد و گاڑیانی پئیما بوتگ‌اَنت کسرکندی تێل کشّێا تیرَ کننت و چه اشیا آ مردم زدگَ بیت.
-رند چه چار ماها ابراهێم بلۆچ نامێن بندیگے زمانتئے بدلا چه دزّاپئے سیاڈیئے هدارکی بندیجاها آزات بوت.
4 پروریا:
- هبیبُلّاه جمشیدی نامێن سنّی تالبے شستونا دستگیر کنگ بوت.
7 پروریا:
-کرگانئے دریابانی پلیس جمهئے نمازئے سرپان پترت تانکه لهتێن تێل کشّان دستگیر بکنت. چه آیانی اے کارا مردم زهر گپتنت و زهرشانی‌اِش کرت.
9 پروریا:
-بێگاهئے وهدا اێرانئے زپر نامێن سٹلایٹئے ٹکّر دزّاپئے لهتێن جاگهان کپتنت.
10 پروریا:
-چه گئیسئے سلنڈرئے تراکا مان نسرآبادا (زابل) چار مردم بێران بوتنت و چار مردم زدگ.
-الیرزا نورا بلۆچستان و سیستانئے استاندارئے پێسریگێن کمک کار مالی سلکاریئے بهتاما بندیگ کنگ بوت.
11 پروریا:
-دزّاپ – بمئے راهئے بسئے چپّی بئیگا ائوگانستانئے 27 جاهمنند زدگ بوتنت.
- سرکارئے مدت نکنگئے سئوبا جنوبی رۆدبارئے بزگر په زهرشانیا مچّ بوتنت.
12 پروریا:
-بلۆچێن تێل کشّ نزیر، میرزائے چکّ گاڑیئے ڈیک ورگا رند بێران بوت.
13 پروریا:
-دزّاپئے نندۆکێا همے شهرئے نهادیا وتکشی کرت.
- چه ڈن-کئیلۆێن الکلی ملار کنۆکانی نۆشگا چهبارا بێران بوتگێن مردمانی شمار هشتا سر بوت.
-ابدلجلیل نۆمانی نامێن مئولئویے که مئولئوی کۆهیئے بندیگ کنگئے بابتا ایراز گیری‌ای کرتگ‌اَت دزّاپا الی هامنئییئے جهگیرئے کارگسا لۆٹاێنت بوت.
-سرباز وزیپه امیر رمزانی چمن زابلا وتی لهتێن همکارێن سپاهیگانی دستا کشگ بوت.
-پنچشمبهئے رۆچا چه ائوگان کشّێن گاڑیێئے چپّی بئیگا 18 مردم زدگ بوتنت.
-ستوان یک همید ریاهی که رۆدبار زمینئے امبر آباد نامێن شهرئے سیاڈیا کارا اَت پنچشمبهئے رۆچا لهتێن بےنشانێن مردمانی دستا کشگ بوت.
14 پروریا:
لهتێن کچکا دزّاپئے جاهمنندێن کۆدکێئے سرا که یزدئے مئیبد نامێن شهرئے کرّ و گورا پوریاتگریَ کرتی ارش کرت و چه اشیا آ بێران بوت.
-سئے بلۆچ الی ابن ابیتالبئے نادراهجاهئے همراه سرایا چه پکنیکئے سلنڈرا بێران بوتنت. اشیئے سئوب اے بوتگ که هئوا سکّ سارت بوتگ و آ ناالاجیا همراه سرایا پکنینک رۆکَ کننت.
17 پروریا:
-بلۆچێن تێل کشّے گاڑیئے چپّی بئیگئے سئوبا بێران بوتگ. مرتزا سپاهی آشورئے چکّ چه پلیسا تچگا بیت و پلیسئے گاڑی آییئے رندا بیت. همے درگتا آییئے گاڑی چپّیَ بیت و مرتزا بێرانَ بیت.
18 پروریا:
- ساجد سرکوهی نامێن 22 سالگێن ورنایے که سربازئے الّاه آباد نامێن کلّگئے نندۆک انت درۆگێن هبرانی شنگ کنگئے بهتاما هکدیوانا لۆٹاێنگ بوت.
22 پروریا:
- جئیشُلئدل و مرزبانیئے مڑ و جنگا مرزبانیئے دو مردم کشگ بوتنت.
23 پروریا:
- مینابئے بهورز په زهرشانیا مچّ بوتنت. اشیئے سئوب اش ات که پێسریگێن لهتێن ماهانی مزّ آیان دئیگ نبوتگ‌اَت.
-ابوبکر براهویی که گچێن کاریئے کاردْرچئے بابتا ایرازگیری‌ای کرتگ‌اَت و پمێشکا زابلئے مسیتّێا دستگیر کنگ بوتگ‌اَت چه بندیجاها یله کنگ بوت.
25 پروریا:
چهبارئے شهرداریا گۆن پلیسئے همراهداریا چهبارئے کرّ و گورا مراد آباد نامێن گریبی مێتگێئے مردمانی لۆگ پرۆشتنت.
26 پروریا:
-لهتێن بلۆچێن ماهیگیر په ایرازگیریا چهبارئے شیلاتا مچّ بوتنت، چیّا که ڈنی ملکانی مادرنێن بۆجیگ بلۆچستانئے زِرا ترالئے ماهیگیریا گلاێش اَنت و زِرئے گێشترێن ماهیگانَ رۆپنت و برنت.
-سلیم شهنازی راسکئے سیاڈیا لۆٹاێنگ بوت، چیّا که آییا مئولئوی کۆهیئے پلّه مرزی کرتگ‌اَت.
27 پروریا:
-پاسدارانئے ناشرکارێن پئوجا واشئے رۆتک نامێن جاگهێا تێل کشّێن گاڑیێئے سرا تیرگواری کرت و دو مردم زدگ کرتنت.
29 پروریا:
-اێرانئے مستر- هکدیوانا مئولئوی امانلّاه بلۆچی وهاپز ابدُرهیم کۆهیئے پاهئوئے شئور پکّا کرت.
-لهتێن بےنشانێن مردمان مان پهرئوا رهمان مزارزهی نامێن بلۆچێئے سرا تیرگواری کرت و آ بێران بوت.
-چهبارئے کرّ و گورئے مێتگێا پلیسا مُترسئیکلێئے سرا تچکێن تیرگواری کرت و چه اشیا یک کۆدکے بێران بوت و دو کودک زدگ بوتنت.
Be the first to comment