رَسانک نیوز/ مروچی چارشمبے 8 مهر ماہ 1405، کرمان ئے شهاب بندیگجاہ ءَ دو بلوچیں بندیگ که چه پیسرا په مواد ئے جُتائیں پرمندھانی دیما کرمان ئے انکلاب آمیدگِس ءَ آیان ءَ پاھو ئے ھُکم داتگ، پاھو دیئگ بوتگ اَنت.
رَسانک ءَ اے دوئیں بلوچیں بندیگانی پجّار «اَلی آلیزھی»، کِساس 43 سالگ، پئیزمهمد ئے چُک، آروس کرتگ ءُ دو زھگئے پت، دزاپ ءِ نندوک ءُ «ابدلهمید شیهکی»، کِساس 45 سالگ، پکیر ئے چُک، آروس کرتگ ءُ سئے زھگئے پت، ریگان ئے نندوک زانتگ.
رَسانک ءِ ھال سرکنوکانی رِد ءَ، اَلی آلیزھی کریب ھشت سال ءَ پیش ماں بم ءَ چه چِک پوسٹ ئے سرا په مواد ئے الزاما دزگیر کنگ بوتگ ءُ په کرمان ئے بندیگجاہ ءَ شور اِش داتگ. آیی چه کرمان ئے انکلاب آمیدگِس ءَ پاھو ئے ھُکم دیئگ بوتگ. ھمے وڑا ابدلهمید چار سال پیسر ماں کرمان ءَ په مواد ئے چِست ائیر ءَ دزگیر کنگ بوتگ ءُ اے شهر ئے انکلاب آمیدگِس ءَ آییا پاھو ئے ھُکم داتگ. ھمید ئے لوگئے مردم زی 7 مهر ماہ ءَ په آییئے گُڑسریں گِندوک ءَ سوبیں بوتگ اَنت.
Be the first to comment