رَسانک نیوز/ چارشمبے 8 مهر ماہ 1405 ءِ بانگواہ ءَ، کهنوج ءِ زہ دمگ ءَ سلاہبندیں مردمانی په بلوچییے آوار جنگ ءَ پرّیگیں لوگئے سرا اُرش گوں لوگ ءَ نندوکیں مردمانی اُوشت ءُ تیرگواری ءَ ھم دپ بوتگ، اے تیرگواری ءَ دو مردما تیر وارتگ ءُ ساہ داتگ.
رَسانک ءَ اے تیرگواری ءَ کُشگ بوتگیں مردمانی پجّار «پرشاد چمانه»، کِساس 27 سالگ، مراد ئے چُک ءُ «وھید مالکی»، کِساس 32 سالگ، ھسرو ئے چُک، ھر دو کهنوج ءِ زہ دمگئے نندوک زانتگ.
رَسانک ءِ ھال سرکنوکانی رِد ءَ، بانگواه ءِ ساھت 00:30 ئے وھدا سلاہبندیں مردماں په وھید ئے آوار جنَگ ءَ اے دوئیں بلوچانی ٹهکانه ءُ نندگ ئے جاگه ئے سرا اُرش کرتگ. سلاہبندیں مردمانی تیرگواری ءَ پرشاد ءَ ماں سینگ ءَ تیر وارتگ ءُ رَند چه نادراہجاہ ءِ سربوھگ ءَ ساھی داتگ، وھید ءَ ھم ماں سر ئے سرا تیر وارتگ ءُ ھماں جاھا ساہ داتگ.
داں انگتا سلاہبندیں مردمانی پجّار ءُ آیانی سئوب چه اے مردمانی آوار جنَگ ئے جُهد ءَ زانگ نه بوتگ، سلاہبندیں مردماں تیرگواری ءَ رَند چه جاھا دَر شُتگ اَنت.
Be the first to comment