رَسانک نیوز/ یکشمبے 22 شهریور ماہ 1405 ءِ شپ ءَ، سوران ئے رھمتآباد دمگ ءَ سلاہبندین ءُ پَجّار نه بوتگیں مردمانی، سئے بلوچئے سرا تیرگواری ءَ که پت، چُک ءُ نُماسگ بوتگ اَنت، چُکّییے ھوری ءَ دو کس ءَ ساہ داتگ ءُ یک چکّے ٹپّیگ بوتگ. اے سئے بلوچ ھماں وھدا تیرگواری ئے دپ ءَ کپتگ اَنت که رھمتآباد دمگ ءَ وتی راه ءَ روگ ءَ بوتگ اَنت ءُ جنوکاں رَند چه تیرگواری ءَ چه جاھا دَر شُتگ اَنت.
رَسانک ءَ اے ھاندانئے پت ئے پجّار «پئیزمهمد شهدادزھی»، کِساس 47 سالگ، آییئے بچک ئے پَجّار «سمد شهدادشھی»، زانتگ ءُ 13 سالگیں جنکیں نُماسگ ئے پجّار که سجّهیں کوہ بیرک ئے رھمتآباد دمگ ءِ نندوک اَنت زانگ نه بوتگ.
رَسانک ءِ ھال سرکنوکانی رِد ءَ، پئیزمهمد شهدادزھی گوں وتی چُک ءُ نُماسگ ءَ ماں سوران ئے رھمتآباد دمگ ءَ سواری گاڑییے سلاہبندین ءُ پَجّار نه بوتگیں مردمانی تیرگواری ئے دپ ءَ کپتگ. اے تیرگواری ءَ پئیزمهمد شهدادزھی ءُ آییئے نُماسگ ءَ تیر وارتگ ءُ ساہ داتگ، آییئے مردیں چک ءَ ماں گردن ءَ تیر وارتگ ءُ ٹپّیگ بوتگ که آییئے ھالت نه گیگ اِنت.
سلاہبندیں مردمانی پجّار ءُ آیانی سئوب ءُ ویلئے بارئوا گیشتریں ھالے دست نه کپتگ.
Be the first to comment