شستون ءَ ٹیلئے ٹانکر ئے تراک؛ بلوچیں ڈریور ءُ لِهمکاریں کارگریا ساہ داتگ

رَسانک نیوز/ شمبے 21 شهریور ماہ 1405، شستون ءِ کوھک دمگ ءَ ٹیلئے ٹانکر ئے لِهمکاریئے وھدا چه ٹانکر ئے تراک ءَ ڈریور ءُ یک بلوچیں لِهمکاریں کارگریا ساہ داتگ.

ساہ داتگیں بلوچانی پجّار «جاسم نکیبی»، ابدلهالک ءِ چُک، آروس کرتگ ءُ «ھالد سرجویی»، واھدبکش ئے چُک، ھر دو شستون ءَ کوھک دمگئے نندوک بوتگ اَنت ءُ ھالد په لِهمکاریا ویلئے جاھا کارا دلگوش بوتگ.

اے ھالئے رِد ءَ، ٹانکر پیسر چه اے ویل ءَ چه یک جاگهیا ٹُنگ بوتگ، په نُکسئے گِرَگا لِهم اِش کرتگ. لِهمکاریئے وھدا اَچانک ءَ ٹانکر ترکّتگ، تراک ئے زور اینچو باز بوتگ که جاھا اُوشتوکیں مردماں تاں دور دورا چَنڈگ بوتگ اَنت.