رَسانک نیوز/ پنچشمبے 11 تیر ماہ 1405 ءِ شپ ءَ، چُنت ساھت پد چہ «بلال راستا روش (ھاشمزھی)» ئے ماں تپتان ئے امنیتی ٹولییے اُرش ءَ کُشگ بئیگ ءَ آییئے مستریں برات ءَ ھم نزامی ٹولییا چہ پهرہ ءُ واش ئے راہ ءَ دزگیر ءُ چیریں جاگهی بُرتگ.
اے بلوچئے پجّار «مهمد راستا روش (ھاشمزھی)» ابداللّہ ئے چُک، آروس کرتگ ءُ شش زھگئے پت، بُندر ءَ تپتان ئے بیدک دمگئے نندوک ءُ پهرہ ئے جهمنند زانگ بوتگ.
اے ھالئے رِد ءَ، مهمد ھماں روچئے بیگاہ ءَ کہ آییئے برات بلال کُشگ بوتگ گوں زاتی گاڑی ءَ چہ پهرہ ءَ دیم پہ واش ءَ روگئے وھدا نزامی ٹولییا راھانی چاروگیں پلیسئے جاہ ءَ آییئے دیم داشتگ ءُ دزگیر کرتگ۔ پهرہ ءَ آییا میوگ ئے دکانی بوتگ ءُ ھم مُساپر کشّی یے کرتگ.
مهمد راستا روش ئے دزگیر بوھگ ءَ پنچ روچ گوَستگ، بلے داں انگت ءَ آییئے ھچ پئیمیں ھالے سرپد ئے دست نہ کپتگ ءُ نہ کہ آییئے سرا بستگیں تُهمت زانگ بوتگ.
گوَشگ لوٹیت کہ «بلال راستا روش (ھاشمزھی)»، 27 سالگ ، مهمد ئے برات، پنچشمبے روچ ءَ 11 تیر ماہ ءَ گوں «اکبال ریگی» ئے ھوری ءَ ماں تپتان ئے کهنوک دمگ ءَ چہ امنیتی ءُ نزامی ٹولییے تیرگواری ءَ کُشگ بوتگ.
Be the first to comment