رَسانک نیوز/ پنچشمبے 4 تیر ماہ 1405، سرکاری میڈیا چُش کہ سپاہ ءِ ائیر دستیں ھال رَسان تسنیم ءَ ماں کسانیں ھالی ءَ گوَشتگ کہ شستون ئے «الی ابن ابی تالب»، مسیتئے نزّیک ءَ تروریستان ءَ بے سوبیں تیرگواری کرتگ ءُ ماں اے ویل ءَ کس ءَ نہ نُکس نہ بوتگ۔ اے میڈیا ءَ گوَشتگ اُرش کنوکیں مردماں، تیرگواری ءَ رَند، چہ جاہ ءَ در شُتگ اَنت ءُ شهر ئے ایمنی اے وھدا برجاہ اِنت.
ویلئے وھد، اُرش کنوکانی پجّار، آیانی سئوب، ویلئے وڑ ءُ پئیم ئے بارئوا داں انگت ءَ گیشیں ھالی دست نہ کپتگ۔ داں اے وھدا سیستان ءُ بلوچستان سوبہ ئے انتزامی ءُ ایمنی ئے زمّهواران ءَ وتی درشانی نہ داتگ ءُ سرکاری بیان ھم نہ آتکگ.
چہ سرکاری میڈیا ءَ اے درگت ءَ گیشتریں ھالی شِنگ نہ بوھگئے سئوب ءَ اے ویلئے پُژدر ءُ راستی اَلّم ءَ زانگ نہ بوتگ۔ گوَستگیں سالان ءَ ھم سرکاری میڈیا ءَ ھمیں وڑیں جاوراں کہ دینی مراگش برجاہ دارگ بوتگ اَنت، انچُشیں ھالئے شِنگ کرتگ.
Be the first to comment