رَسانک نیوز/ یکشمبے 31 ھُرداد ماہ 1405، دُزاپ ءِ بندیگجاہ ءَ دو بلوچیں بندیگئے پاھو ئے ھُکمئے سرا کہ چہ پیش ءَ پہ مواد ئے چِست ءُ ائیر ءَ دزگیر ءُ پاھو ئے ھُکمش وارتگ کاروایی کنگ بوتگ.
اے بلوچیں بندیگانی پجّار «نیئمتاللّہ براھویی»، 31 سالگ، امیرمهمد ئے چُک، آروس کرتگ ءُ چار زھگئے پت، زابلئے نندوک، «ایسّا رھمانی»، 36 سالگ، موسا ئے چُک، آروس کرتگ ءُ دو زھگئے پت، شستون ئے نندوک زانگ بوتگ.
ھال وشّ ئے ھالانی رِد ءَ، نیئمتاللّہ براھویی ماں سال 1401 دُزاپ ءُ ایسّا سال 1403، ھر دو پہ مواد ئے جتائیں پرمندھاں دزگیر ءُ چہ انکلاب آمیدگِس ءَ پاھو ئے ھُکمش وارتگ.
گوَشنت اے دویں بندیگ شمبے روچ ءَ 30 ھُرداد ماہ ءَ پہ پاھو ئے ھُکمئے سرا کاروایی ءَ چہ ھوریں واڈ ءَ پہ ایوکیں واڈ شور دئیگ بوتگ اَنت.
🔗 لینک کوتاه:
برای کپی روی دکمه کلیک کنید
Be the first to comment