رَسانک نیوز/ مروچی یکشمبے 24 ھُرداد ماہ 1405 ءِ بانگواہ ءَ، دو بلوچی بندیگ کہ پہ موادئے چِست ءُ ائیر کنگئے الزاما دزگیر بوتگ ءُ گوں پرمندھئے دیمروی ءَ پاھو ئے ھُکمِش وارتگ، ماں رودان ءُ دُزاپ ءِ بندیگجاھان ءَ پاھو دئیگ بوتگ اَنت.
رَسانک ءَ اے بندیگانی پجّار «الیبکش رئیسی»، کِساس 27 سالگ، رسول ئے چُک، آروس کرتگ ءُ یک زھگئے پت، دلگان ئے جلگہ چاہ ھاشم زِلّهئے نندوک ءُ «ھسن ھُسینی نارویی»، کِساس 58 سالگ، شهبیک ئے چُک، آروس کرتگ ءُ زھگانی پت، دُزاپ ءِ نندوک زانتگ.
ھال وشّئے ھالانی تها گوَشگ بوتگ الیبکش سال 1403 ءَ ماں رودان ءَ پہ مواد ئے چِست ءُ ائیر کنگئے الزاما دزگیر ءُ چہ اُدے انکلاب آمیدگِس ءَ پاھو ئے ھُکمی وارتگ۔ آییئے ھُکمئے سرا بید چہ لوگئے مردمانی سهیگ کنگ ءُ گُڑسریں دیدار ءِ ھکّئے دئیگ ءَ کاروایی بوتگ. ھسن ھم چُنت سال پیش پہ ھمیں وڑیں الزامیا ماں دُزاپ ءَ دزگیر ءُ اے شهر ئے انکلاب آمیدگِس ءَ پاھو ئے ھُکم داتگ۔ پہ پاھو ئے ھُکمئے سرا کاروایی ءَ آیی شمبے روچ ءَ 23 ھُرداد ماہ ءَ پہ ایوکیں واڈ ءَ شور دئیگ بوتگ.
Be the first to comment