شستون ءَ چہ سپاہ ئے کلّ کُرتگیں مینئے تراک ءَ بلوچی ٹیلکشّی ءَ ساہ داتگ

رَسانک نیوز/ پنچشمبے شپ ءَ 21 ھرداد ماہ 1405، بلوچی ٹیلکشّی کہ چہ اسپندگ ءَ دیم پہ شستون ءَ چہ ھاکی راہ ءَ روگ ءَ بوتگ چہ سپاھئے کلّ کرتگیں مین ئے تراک ءُ جُهلیں ٹپّان ءَ ساھی داتگ.

رَسانک ءَ اے بلوچئے پجّار «گهرام گمشادزھی»، ۴۵ سالگ، پئکیر مهمد ئے چُک، آروس کرتگ ءُ ھپت زھگئے پت، شستون ءَ گُشت دمگئے نندوک زانتگ.

رَسانک ءِ ھال سرکنوکانی رِد ءَ، اے بلوچ ءَ گوں ازمکاری ءَ ھور ٹیلکشّی ھم کرتگ۔ ھماں وھدا کہ چہ اسپندگ ءَ دیم پہ شستون ءَ چہ ھاکی راہ ءَ روگ ءَ بوتگ، سپاہ ئے کلّ کُرتگیں مین ئے سرا شُتگ ءُ چہ مین ئے تراک ءَ ساھی داتگ.

ھال سرکنوکان ءَ گوَشتگ سپاہ ئے زمّهواران ءَ ماں اے دمگ ءَ بید چہ ٹِکّ ءُ نشان ءَ مین کلّ کرتگ ءُ ھمیں بازیں ھترانی سئوب ءَ آییئے بے ساھیں جون دو روچ ءَ پد چہ اے جاہ ءَ ڈنّ ءَ در کنگ بوتگ.