واش ءَ سلاہ بندین ءُ بے پجّاریں مردمانی تیرگواری ءَ بلوچی کُشگ بوتگ

رَسانک نیوز/ 25 اسپند ماہ 1404 ءَ، واش ئے نجپ آباد دمگ ءَ، بلوچی سلاہ بندین ءُ بے پجّاریں مردمانی تیرگواری ئے دپ ءَ کپتگ ءُ ساھی داتگ.

اے بلوچئے پجّار «ھسن داودی»، مهمد ھسین ئے چُک، واش ئے نجپ آباد دمگئے نندوک زانگ بوتگ.

اے ھالئے رِد ءَ، ساھت 3:30 ءِ بیگاہ ءَ ھمیں دمگئے چارراھی ءَ ماں چائے ورگئے جاہ ءَ پژو پارس گاڑییے کہ شیشگی تھار بوتگ اَنت، ھمیں گاڑییے سلاہ بندین ءُ پجّار نہ بوتگیں نندوکان ءَ ھسن ئے سرا تیرگواری کرتگ۔ ھسن ءَ ماں دست، سر، گُٹّگ ءُ جگر ءَ تیر وارتگ ءُ چہ بازیں ٹپّان ءَ ساھی داتگ.

داں انگت ءَ اے کوش ئے کنوکیں مردمانی پجّار ءُ سئوب زانگ نہ بوتگ.