رَسانک نیوز/ یکشمبے 10 ھُرداد ماہ 1405 ءِ بانگواہ ءَ، شیراز ئے آدلآباد بندیگجاہ ءَ سئے بلوچیں بندیگ ءَ ھور پنچ بندیگ کہ چہ پیش ءَ پہ مواد ئے چِست ءُ ایر ئے الزام ءَ دزگیر ءُ پاھو ئے ھُکمش وارتگ، گوستگیں روچ ءَ چہ ھوریں واڈ ءَ پہ ایوکیں واڈ ءَ شور دئیگ بوتگ اَنت ءُ آیانی وارتگیں ھُکمئے سرا کاروایی بوتگ.
رَسانک ءَ یکی چہ بلوچیں بندیگانی پجّار «مهمداوسمان (اسلام) دانہپرچین (نارویی)»، 35 سالگ، نوروز ئے چُک، آروس کرتگ ءُ سئے زھگی ھست، بُندر ءَ پهرہ ئے نندوکیں مردمی زانتگ، آ دگہ چار بندیگئے پجّار داں اے وھدا زانگ نہ بوتگ.
رَسانک ئے ھال سرکنوکانی رِد ءَ، مهمد اوسمان پنچ سال ءَ پیش ماں شیراز ءَ پہ مواد ئے الزام ءَ دزگیر ءُ اُدے انکلاب آمیدگِس ءَ آیی پاھو ئے ھُکم داتگ۔ مهمد اوسمان ئے لوگئے مردم پہ گُڑسریں گندوک ءَ لوٹگ بوتگ اَنت ءُ آھریں دیدارش کرتگ.
داں انگت آ دگہ چار بندیگ ئے پرمندھانی بارئوا گیشیں ھالی دست نہ کپتگ بلے گوشنت کہ دو بندیگ چہ سوبہ سیستان ءُ بلوچستان ئے دُزاپ ءُ دلگان ئے شهراں بوتگ اَنت.
Be the first to comment