رَسانک نیوز/ دوشمبے 4 ھُرداد ماہ 1405 ءِ شپ ءَ، دُزاپ ءَ بازار مشترک دمگئے کوسر روڈ ءَ چہ سلاہ بندیں دُزّانی گُد دوچگ ءُ بها کنگئے دکانییے سرا اُرش ءَ، بلوچ نوک ورنایی ءَ تیر وارتگ ءُ ساھی داتگ.
رَسانک ءَ اے بلوچ نوک ورنا ئے پجّار «اسامہ کاشانی»، 15 سالگ، مهمود ئے چُک، بُندر ءَ دُزاپ ءِ نندوکیں مردمی زانتگ.
رَسانک ءِ ھال سرکنوکانی رِد ءَ، سلاہ بندیں دُزّان ءَ کہ سواری گاڑی ءَ نندوک بوتگ اَنت ءُ سی تیری سلاھش گون بوتگ پہ دُزّی ءَ گُد بها کنگئے دکان ءَ تها بوتگ اَنت۔ اسامہ کہ ھمیں دکان ءَ کارا بوتگ، دُزّانی دیم دارگئے جُهدی کرتگ ءُ آیانی دیمی داشتگ۔ اُرش کنوکان ءَ آییئے سر ئے سرا تَچکیں تیرگواری کرتگ۔ اے بلوچیں نوک ورنایا چہ ٹپّانی باز بوھگ ءَ ساھی داتگ.
رَسانک ءِ ھال سرکنوکان ءَ گوَشتگ: ویلا پد، سلاہ بندیں دُزّاں چہ جاہ ءَ در شُتگ اَنت، اسامہ ئے ھاندان ءَ چہ امنیتی ادارھان ءَ لوٹتگ کہ پہ جرم دارانی پجّاہ آرگ ءُ دزگیر کنگ ءَ وتی واک ءُ زورا کارمرز بکننت.
Be the first to comment