رَسانک نیوز/ سئے شمبے 5 ھُرداد ماہ 1405، بلوچی کہ ماں تاریک جمے شپ 2 آبان ماہ 1404، چهبار روگ ءَ رَند امنیتی سادہ پوشیں ٹولی ءَ چہ چهبار ءَ بلوار توھید ئے المدینہ ھوٹل ءَ دزگیر ءُ پہ دُزاپ ءَ شور داتگ، ھپت ماہ ءَ بُرز بندیگ بوھگ ءَ رَند پہ زمانت ئے سرا چہ دُزاپ ءِ بندیگجاہ ءَ آجو بوتگ.
رَسانک ءَ اے بلوچئے پجّار «اُمر ازیزی»، کِساس 25 سالگ، کریم بکش ئے چُک ءُ بُندر ءَ کسرکند ئے ازیزآباد دمگئے نندوکیں مردمی زانتگ.
رَسانک ءِ ھال سرکنوکانی رِد ءَ، اُمر گوستگیں سالئے 2 آبان ماہ ءَ چہ کسرکند ءَ دیم پہ چهبار ءَ شُتگ۔ شپ ءِ کِساس ساھت 9 ءَ پہ شام ئے ورگ ءَ المدینہ ھوٹل ءَ شُتگ کہ سادہ پوشیں امنیتی ٹولی ءَ گوں دو اسپیتیں پژو پارس گاڑی، اے بلوچ ءَ چہ اُداں دزگیر کرتگ ءُ گوں وت برتگ۔ امنیتی ٹولی ءَ اُمر ئے دزگیر کنگ ءَ رَند ھوٹل ئے دورگند ھم گوں وت برتگ اَنت.
پیشترا ھال سرکنوکان ءَ گوشتگ: دزگیر بوھگ ءَ رَند آییئے ھاندان ءَ باز رَندگیری کرتگ بلے ھچ ادارھی ءَ آییئے دزگیر کنگ ءِ زمّهواری نہ منّتگ۔ بازیں روچ ءَ پد ھم آییئے ھچ ھال اھوالی نہ بوتگ.
داں انگت ءَ پہ ادارکیں آجویی ءَ، زمانت ئے کئیل ءُ کیاس، ھمیں وڑا آییئے سرا بستگیں بُهتان اَلّمیا زانگ نہ بوتگ۔ بلے رَسانک ءِ ھال سرکنوکان ءَ گوَشتگ کہ پیشترا آیی چہ اِنساپ ءُ امنیتی ادارھاں تامین گپتگیں مردمانی کچّ ءَ زانگ بوتگ کہ بلوچستان ءَ پدتّرتگ.
Be the first to comment