رَسانک نیوز/ سئے شمبے 22 اردیبهشت ماہ 1405 ءِ بانگواہ ءَ، دُزاپ ءِ بندیگجاہ ءَ بلوچیں سیاسی بندیگی کہ پد چہ دُزاپ ءِ ھونیں جمے ماں سال 1401 ءَ چہ اے شهر ئے کَش ءُ کرّیں دمگاں دزگیر کنگ بوتگ، پاھو اِش داتگ.
اے بلوچیں بندیگئے پجّار «ابدلجلیل شہبکش»، جلال ئے چُک ءُ بُندر ءَ دُزاپ ءِ چاہ اھمد دمگئے نندوکیں مردمی زانگ بوتگ.
ھمیں بارئوا، اِنساپ ادارہ ئے میزان رَسانکدر ءَ اے بلوچیں بندیگئے پاھو دئیگ ئے ھال شنگ کرتگ ءُ آییئے مئیار ءَ «بگاوت ءُ انتزامی بُنجاھانی سرا سلاھبندیں اُرش ءُ انسارالپرکان گل ءَ ھور بئیگ زانتگ». اے ھال رَسان ءَ گوشتگ ابدلجلیل اُرپ شکیب، ملک ئے روچ در آتکیں دمگاں ناشر کارانی ھِلاپ کاروایی ئے وھدا دزگیر کنگ بوتگ ءُ آییئے سرا پرمندگی جتگِش، پد چہ اشیا ماں انکلاب آمیدگِس ءَ پیش بوتگ.
اے گزارش ءَ گوشتگ آییا منّتگ کہ کِساس شش سال پیشترا گوں انسارالپرکان گل ءَ پجّاہ آروک بوتگ۔ آئی پہ نزامی رھبندانی یات گِرگ ءَ، در کانونی وڑیا چہ مُلک ءَ ڈنّ ھمسایگیں مُلکی ءَ شُتگ.
ھمیں وھدا، جمهوری اسلامی ئے ھال سرکنوکیں ادارھان ءَ ابدلجلیل ئے ویڈیویی کہ زانگ نہ بیت ماں چونیں جاوراں پُر کنگ بوتگ شِنگ کرتگ ءُ گوشتگ آییا وتی مئیار ءُ کسور منّتگ۔ سیستان ءُ بلوچستان ئے اِنساپ ادارہ ئے سروک (الی موھدی) ءَ گوشتگ چہ زپت بوتگیں تئوار ءُ جُڑگئے راھاں دست کپتگیں مدرکاں کہ آییا وت ھم منّتگ اَنت پاھو ئے ھُکم دئیگ ءِ بُنیات زانگ بنت۔ ملک ئے اِنساپ ءِ بُرزیں دیوان ءَ ھم اے ھکم ئے تسدیک کرتگ.
Be the first to comment