رَسانک نیوز/ 27 مہر ماہ 1404 ءَ، چھبار ءِ کمب دمگ ءَ، سلاہ بندین ءُ بے پجّاریں مردمان ءَ بلوچے ئے سرا ھماں وھدا کہ وتی سینگارجاہ ءِ دیم ءَ اُوشتوک بوتگ تیرگواری کرتگ، بلوچ ءَ تیر ورگ ءَ پد ساہ داتگ.
اے بلوچے ورنا ئے پجّار «اکبر نوروزی»، 25 سالگ، رمزانی چُک، بُندر ءَ چھبار ءِ نندوکیں مردمے زانگ بوتگ.
رَسانک ءِ ھال سرکنوکان ءَ گوشتگ: اکبر سینگار ئے کار ءَ دلگوش بوتگ۔ سلاہ بندین ءُ بے پجّاریں مردماں کہ وتے دیم گوں بلوچی لُنگ ءَ پوشتگ، کمّی پیسر چہ ایشی ءَ کہ سینگار جاہ بند کنگ بہ بیت، اکبر ءِ سرا تیرگواری کرتگ، آئی ءَ تیر وارتگ ءُ جاہ ءَ ساہ داتگ.
داں انگت جنوکانے پجّار ءُ آیانی سوب چہ اکبر ئے کُشگ ءَ زانگ نہ بوتگ۔ جنوکاں پد چہ تیرگواری ءَ در شُتگ اَنت.
Be the first to comment