رَسانک نیوز/ 5 مہر ماہ 1404 ءَ، بندرابّاس ءُ میناب ءِ راہ ءَ لنگی پاسگاہ ءِ نزامی ٹولی ئے ٹیلکشے گاڑی ءِ پدا کپگ ءُ تیرگواری ءِ کنگ ءَ گاڑی ئے ٹایر ءَ تیر لگتگ ءُ چہ وتی راہ ءَ در اَتکگ ءُ گوں مزنیں گاڑی ءَ ٹوکر وارتگ. ٹیلکشے گاڑی بُن گپتگ ءُ ٹیلکشّ ءَ ساہ داتگ.
بلوچے ٹیلکشّے پجّار «بنیامین اسھاکزھی»، 23 سالگ ءُ میناب ءِ نندوک زانگ بوتگ.
رَسانک ءَ گوشتگ: لنگی پاسگاہ ءِ نزامی ٹولی ءَ بنیامین ءِ پدا کپتگ ءُ جلابی دمگ ءِ نزّیک ءَ آئی ءِ سرا تیرگواری کرتگ کہ گاڑی ئے ٹایر ترکتگ.
ھال سرکنوکان ءَ گوشتگ: ٹایر ئے ترکّگ ءَ پد، گاڑی ئے کنٹرول چہ ڈریور ءِ دست ءَ در اَتکگ ءُ گوں دگہ گاڑی یے ٹوکر وارتگ ءُ بُن گپتگ، بنیامین ماں آس ءَ سوہتگ ءُ ساہ داتگ.
Be the first to comment