رَسانک نیوز/ 16 مرداد ماہ 1404 ءَ، گہ ءَ نکہچ دمگ ءَ چیریں ادارے ٹولی ءَ ریل گاڑی ئے پروژہ ئے سرا کار کنوکیں بلوچے کارگری ءَ چہ کار ءِ سرا پہ زور ءُ ھژم ءَ آوار جتگ. اے ویل ءَ ھپتگے ءَ پد، داں انگت ءَ لوگے مردمان ءَ آئی ءِ ھالے سرپدئے دست نہ کپتگ، اے پیم ءَ آیانی دل پریشانے گیشتر بوتگ.
اے بلوچے پجّار «زاکر رئیسی جہانگیری»، 23 سالگ، ھدابکش ءِ چُک، گہ ئے نکُہچ دمگ ءِ جھمنند زانگ بوتگ.
اے ھالے رِد ءَ، زاکر وتی ھمکارانے دیما، بے گناہ ءُ کُسور ءَ دزگیر کنگ بوتگ۔ لوگے مردمان ءَ امنیتی ادارہ آنے ءُ اِنساپ دیوکیں ادارہ ءَ پہ زاکر ے ھالے سرپدئے دست کپگ ءَ باز تر ءُ تاب کرتگ، بلے داں انگت ءَ بے سوب اَنت۔ زاکر ءِ ھالے سرپدئے نہ بوھگ ءُ زمہ وارانے اے درگت ءَ بے تواری ءَ، لوگے مردمانی دل پریشانی گیش کرتگ.
Be the first to comment