رَسانک نیوز/ سئےشمبے 12 ھُرداد ماہ 1405 ءِ بانگواہ ءَ، بلوچی کہ چاہنیمہ چار سدّ ئے نگهپانی ءَ دلگوش بوتگ، سلاہ بندین ءُ بے پجّاریں مردمان ءَ آییئے سرا تیرگواری کرتگ ءُ کُشتگ.
رَسانک ءَ اے بلوچئے پجّار «ابدلهکیم توتازھی»، 40 سالگ، دادکریم ئے چُک، آروس کرتگ ءُ ھپت زھگئے پت، بُندر ءَ زھک ئے نندوکیں مردمی زانتگ.
رَسانک ءِ ھال سرکنوکانی رِد ءَ، اے ویل شپ ئے ساھت یکّئے وھدا ماں چاہنیمہ چار سدّ ئے نگهپانییے جاہ ءَ پیش آتکگ۔ سلاہ بندین ءُ پجّار نہ بوتگیں مردماں ابدلهکیم ئے کار ئے سرا شُتگ اَنت ءُ گوں سی تیری تُپنگ ءَ آییئے سرا تیرگواری کرتگ، ھکیم ءَ تیر وارتگ ءُ جاہ ءَ ساھی داتگ.
جنوکانی پجّار ءُ آیانی سئوب داں انگت زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment