رَسانک نیوز/ جمے روچ ءَ 29 ھُرداد ماه 1404 ءَ، پنچ بلوچیں کارگر کہ تھران ءِ راہ آھن دمگ ءَ یک کاپئے (ھوٹل) ءَ کار ءَ بوتگ اَنت امنیتی باسک ءَ آیاں دزگیر ءُ بندیگ کرتگ.
اے پنچیں بلوچانی پجار «سناءاللہ کمبرزھی»،«اسمائیل کمبرزھی»،«آدل کمبرزھی»،«مسلم کمبرزھی» ءُ «ھامد کمبرزھی» ءَ زانگ بوتگ.
اے پنچیں بلوچ دُزاپ ءِ چاہ زرد ءُ شورک دمگے جھمنند بوتگ اَنت ءُ روزگارے ھاترا تھران ءَ شُتگ اَنت.
ھال سرکنوکان ءَ گوشتگ: اے پنچ دزگیر بوتگیں کارگرانے میان ءَ آدل ءُ مسلم پہ کانونی اُمر ءَ سر نہ بوتگ انت ءُ آیانی اُمر چہ 18 سال ءَ کمتر اِنت.
ایرانے رژیم اسرائیل ءَ گوں جنگ ءَ پد، ملکے چاریں کُنڈاں جھمنندانی وت سریں دزگیر کنگ ءُ بندگ ءَ بنگیج کرتگ.
Be the first to comment