نێکشهرا لهتێن سلاهبندێن دُزّ بلۆچێن جهمنندانی دستا دزگیر کنگ بوتگ

رَسانک نیوز

چارشمبه رۆچا ۲۶ دئے ۱۴۰۳، سلاهبندێن دُزّان که لۆٹتگ یک لۆگیا گوانکئے هلکا چه آهورانئے دمگان نێکشهرا دُزّی بکننت، لهتێن بلۆچ جهمنندێن و هلکئے مردمانی و انچۆ لۆگئے واهندئے سیادانی دستا گِرگ بوتگ‌اَنت.

گوَشگ بیت که سئے سلاهبندێن دُزّ گوانکئے هلکا چه آهورانئے دمگان که چه یک لۆگیا لۆٹتگ دُزّی بکننت که لۆگئے واهندئے سیادانی و گۆن هلکئے مردمان و وَرنایان گۆما گۆن شکاری تُپنگا درگیر بوتگ و گۆن آیانی دُمبال دئیگا دزگیرِش کُرتگ و پد چه اشیا که رۆچ بوتگ انتزامی نیروانی دستا داتگنتش.

گوَشگ ببیت که سلاهبندێن دُزّیانی گێشی و بلوچستانئے شهرانی نا امنی چُش بیئگا اَنت که دوێن گوستگێن سالان چُنت سَد نزامی و امنیتی نیرو، نزامی ماشین، چُنت ملیاڈد بودجه په امنیتی و نزامی نهادانی واستا چه هکومتئے نێمگا هاس کنگ بوتگ.