رَسانک نیوز، مرۆچی جُمَه ۱ دی ماه ۱۴۰۲، اسلام آبادا (بلۆچ نسل کُشیئے) بلۆچ چُکچێنی و ریاستی زۆراکیانی بگیریا چه کێچا آتکگێن مزنێن پندی رئوانک (لانگ مارچ) هئوار زھگ و جنێن کماش ورنایانی سرا زۆراکی و لَٹ کُٹ آیانی دزگیریئے بگیریا بلۆچ یکجُهتی کمیٹیئے نێمگا بلۆچستانئے جتاجتاێن دمگ تربت، شال، سوراب، دالبندین، پنجگور، نۆشکی، ھب، آواران، وڈۀ، ھُزدار، مند، سربندن، ڈێره بگٹی، ناگ، کۆھلو و کچلاک دگه بازێن دمگان زھرشانی و رئوانک کشگ بوتگ پرگ بند و تهتگ ھڑتال بیت.
جتاجتاێن دمگان مزنێن کچێا مهلوک بهر زرتگ و زُلم و زۆراکیانی بگیریا تئوار چست کرتگ.
زانگ ببیت بیست دسمبرا چه کێچا درکپتگێن مزنێن پندی رئوانک (لانگ مارچ) اسلام آبادا ٹۆل پلازێا سرا بوتگ و اۆدا پُلیسا پریس کلب رئوگا نه‌اِشتگ‌اَنت و مزنێن پندی رئوانک (لانگ مارچا) هئوارێن زھگ و جنێن و کماش ورنایان ھمے دگئے سرا نندانک جتگ و نشتگ‌اَنت.
چه اشیا پد شپا بێوھد پُلیسا اُرش کرتگ و آیانی سرا زۆراکی کرتگ و دزگیر کرتگ و گۆن وت برتگ‌اَنت.
Be the first to comment