رَسانک نیوز/ سئےشمبے 28 مهر ماہ 1405 ءِ بانگواه ءَ، مشهد ئے وکیلآباد بندیگجاہ ءَ بلوچیں بندیگے که چه پیش ءَ په مواد ئے پرمندھیا پاھو ئے ھُکمی وارتگ، پاھو دیئگ بوتگ.
اے بلوچیں بندیگئے پجّار «ابدالله نارویی»، کِساس 43 سالگ، آدم ھان ئے چُک، آروس کرتگ، پنچ زھگئے پت، بُندر ءَ دزاپ ءِ نندوک ءُ مشهد ئے جهمنند زانگ بوتگ.
رَسانک ءِ ھال سرکنوکانی رِد ءَ، تاریک 12 آبان ماہ 1402 ءَ مشهد ئے ساھتمونی دمگ ءَ امنیتی ءُ انتزامی ٹولییا پہ تُرندی ءَ ابدالله ئے لوگئے سرا اُرش ءُ آیی دزگیر کرتگ ءُ مشهد ئے وکیلآباد بندیگجاہ ءَ دیم داتگ. پاری دی ماہ ءَ مشهد ئے انکلاب آمیدگِس ءَ آیی پاھو ئے ھُکم داتگ ءُ دوشمبے 27 مهر ماہ ءَ په بندیگجاھئے ایوکیں واڈ ءَ شور دیئگ بوتگ.
دیمتریں روچئے بانگواہ ءَ، سئےشمبے 28 مهر ماہ ءَ بید چه ھاندانئے گُڑسریں دیدار ءَ پاھو دیئگ بوتگ ءُ آییئے پنچ چُک چه پت ءَ بے بهر بوتگ اَنت.
Be the first to comment