بمپور ءَ سلاہ‌بندیں مردمانی نزامی گشت ئے سرا تیرگواری ءَ سئے نزامی کُشگ ءُ ٹپّیگ بوتگ

رَسانک نیوز/ مروچی دوشمبے 13 مهر ماہ 1405، بمپور ءُ پهرہ ئے راه ءَ سلاہ‌بندین ءُ بے پجّاریں مردمان ءَ نزامی گشت ئے سرا اُرش کرتگ، اے اُرش ءَ دو نزامی کُشگ ءُ یکے دگه ٹپّیگ بوتگ.

سر بوتگین ھالانی رِد ءَ، اے گشت ئے ٹولییا سئے ھایلوکس، لندکروز ءُ تویوتا گاڑی ھور بوتگ اَنت ءُ ماں بمپور ءُ پهرہ ئے راه ءَ سلاہ‌بندیں مردمانی تیرگواری ئے دپ ءَ کپتگ اَنت. اے اُرش ءَ دو گاڑی تیرگواری ئے دپ ءَ کپتگ اَنت ءُ یک گاڑی ءَ تیر لگّتگ ءُ لیٹ وارتگ. گوں تیرگواری ئے بُنگیج بوھگ ءَ سئے اُمیں گاڑی چه جاھا دَر شُتگ. لیٹ وارتگیں گاڑی ئے نندوکانی ھال اَلّما دست نه کپتگ.

سیستان ءُ بلوچستان پلیسئے ھال سرکنوک ءَ اے ویل تسدیک کرتگ ءُ گوَشتگ: نوکجو پاسگاہ ئے یک گشت ئے ٹولی یے ماں پهرہ ءُ بمپور ئے راہ ءَ سلاہ‌بندیں مردمانی تیرگواری ئے دپ ءَ کپتگ. اے سرکاری میڈیا ئے رِد ءَ، اے تیرگواری ءَ استوار دو «امیرھسین کاسمی» ءُ گروھپان یک «نزام دست گشادہ» کُشگ بوتگ اَنت ءُ یک دگه نزامییے ٹپّیگ بوتگ.

گوں اشیا که سرکاری میڈیا ءَ دو نزامی کارمند ئے کُشگ بوھگئے ھال تسدیک کرتگ، بلے دومی گاڑی ئے نندوکانی بارئوا گیشتریں ھالے سر نه کرتگ.