چه زابل ءُ دُزاپ ءَ امنیتی ٹولی ءَ دو بلوچ دزگیر کرتگ، آیان ءَ ھالے سرپد ئے نیست اِنت

رَسانک نیوز/ شمبے 11 ءُ دوشمبے 13 مهر ماہ 1405 ءِ شپ ءَ، ساده پوشیں امنیتی ٹولی ءَ شهدربرجاہ ءَ وانوکیں بلوچے چه زابل ءُ یکے دگه بلوچے چه دُزاپ ءِ منزل‌آپ دمگئے شاھمرادآباد شهرک ءَ دزگیر کرتگ ءُ چیریں جاگهی برتگ.

رَسانک ءَ شهدربرجاہ ءَ وانوکیں بلوچئے پجّار «مبین شهلی‌بر»، کِساس 21 سالگ، نجیم ئے چُک، آ دگه بلوچئے پجّار «یاسین‌ شه‌بکش»، کِساس 30 سالگ، ابدلناسر ئے چُک، ھر دو دُزاپ ءِ منزل‌آپ دمگئے شاھمرادآباد شهرک ئے نندوک زانتگ.

رَسانک ءِ ھال سرکنوکانی رِد ءَ، امنیتی ٹولی ءَ شمبے روچ 11 مهر ماہ ءَ چه زابل مبین ءَ که شهدربرجاہ ءَ پیزیک وانگ ءَ بوتگ دزگیر کرتگ ءُ چیریں جاگهی برتگ. ھمے وڑا دوشمبے 13 مهر ماہ ءِ شپ ءَ امنیتی ٹولی ءَ شاھمرادآباد شهرک ئے سرا اُرش کرتگ ءُ یاسین ءَ که اُودا دکانداری ءَ دلگوش بوتگ بید چه سرکارے ھُکم ءُ کئسور ءُ مئیار ئے گوشگ ءَ دزگیر کرتگ ءُ گوں وت برتگ.

داں انگتا دزگیر کنوکیں ادارہ ءُ آیانی دارگ ئے جاگه زانگ نه بوتگ.

اے دو بلوچ ھماں وھدا دزگیر کنگ بوتگ اَنت که ھمے پئیمیں پیش آتکان ءَ دزگیر بوتگیں مردمانی ھاندان ءُ مردماں ھچ وڑیں ھالے سرپد ئے دیئگ نه بوتگ اَنت. اے بُن گپّ ءَ آیانی جاور ءُ ھکّ ئے بارئوا دل پریشانی گیش کرتگ.