واش ءَ بلوچے وتی لوگئے دیما چہ سلاہ بندیں مردمانی تیرگواری ءَ کُشگ بوتگ

رَسانک نیوز/ شمبے 7 شهریور ماہ 1405 ءِ شپ ءَ، واشئے نیک بھت روڈ ءَ بلوچے وتی لوگئے دیما چہ سلاہ بندیں مردمانی تیرگواری ءَ تیرے وارتگ ءُ ساہ داتگ.

رَسانک ءَ اے بلوچئے پجّار «پاروک ملاھیل»، کِساس 40 سالگ، آروس کرتگ ءُ پنچ زھگئے پت ءُ واشئے نندوک زانتگ.

رَسانک ءِ ھال سرکنوکانی رِد ءَ، آیی گچّ ئے کار ءَ دلگوش بوتگ ءُ ساھت 20:30 ءَ ھماں وھدا کہ چہ کار ءَ وتی لوگ ءَ ماں واشئے نیک بهت روڈ ءَ پدترّگ ءَ بوتگ سلاہ بندیں مردمان ءَ آییئے سرا تیرگواری کرتگ، اے تیرگواری ءَ آییا ماں لاپ ءُ دست ءَ چار تیر وارتگ ءُ چہ بازیں ٹپّاں ھماں جاہ ءَ ساھی داتگ.

داں انگتا تیرگواری کنوکیں مردمانی پجّار ءُ آیانی سئوب زانگ نہ بوتگ.